ЯҢАЛЫКЛАР

   21-февраль "Халыкара туган тел" көне уңаеннан үзәк китапханәдә халыкка социаль ярдәм күрсәтү бүлегенең "Гайлә һәм балаларга ярдәм күрсәтү" бүлекчәсе хезмәткәрләре белән берлектә Тукай мәктәбенең 2 сыйныф укучылары катнашында "Тапкырлар тапмый калмас" дип аталган кичә - викторина үтте. Кичәне үзәк китапханәнең халыкка хезмәт күрсәтү бүлеге һәм үзәк балалар китапханәсе хезмәткәрләре үткәрде.

"Күбәләк" балалар бакчасының уртанчылар төркеме 23 нче февраль-Ватанны саклаучылар көне уңаеннан әтиләр катнашында "Супер әтиләр" исемле спорт-күңел ачу чарасы үткәрде.Концерт номерлары белән үрелеп баручы әлеге чарада балалар да,әтиләр дә төрле уеннарда үзләренең җитезлекләрен сынадылар.

"Ләйсән" балалар бакчасы 2 нче уртанчылар төркеме музейда кунакта...

2018 елның 15 февралендә Мөслим узәк шифаханәсенеӊ 2017 елныӊ эш нәтиҗәләре буенча җыелыш узды.

    16 нчы февраль  көнне Мамадыш шәһәренең  академик К.А.Вәлиев исемендәге 2 нче номерлы лицее базасында  академик  К.А.Вәлиев истәлегенә багышланган Идел буе фәнни-гамәли конференциясе үтте.  Бу конференциядә катнашучылар төрле секцияләрдә үзләренең фәнни-тикшеренү, иҗади проект эшләрен тәкъдим иттеләр.

Мөслим лицеенда “Туган тел” көненә багышланган чаралар үтте. 5 сыйныфлар өчен уен-викторина уздырылды, укучылар татар әдипләре турында белемнәрен күрсәттеләр, татар һәм рус телләрендә шигырьләр сөйләделәр. 7-8 сыйныфлар татар теле һәм әдәбияты укытучысы Сафина Л. Я. чыгышын тыңладылар.

Үзәк китапханә хезмәткәре Вафина Г.З. Мөслим гимназиясенең 9 Б сыйныф укучылары өчен "К 75 годовщины Сталинградской победы" дип исемләнгән патриотик дәрес үткәрде. Балаларга презентация күрсәтелде, китап -журналларга күзәтү ясалды, җиңү турында шигырьләр укылды. 

            Үзәк китапханә хезмәткәрләре Мөслим лицееның 9 А-Б сыйныф укучылары өчен "Җилкәннәр җилдә сынала" исеме астында тәрбия сәгате үткәрде. Чарада халык язучысы Фәнис Яруллинның туунына 80- ел тулу уңаеннан  презентация күрсәтелде, шулай ук укучылар шагыйрьнең шигырьләренә язылган җырларны да тыңлап үттеләр.