ЯҢАЛЫКЛАР
Михайловка авылы китапханәчесе Николай Алексеевич Некрасовка багышланган чара үткәрде, әңгәмә-презентация үткәрелде, "Я лиру посвятил народу своему" дип исемләнгән китап күргәзмәсе оештырылды. Китапханәче балаларга Некрасовның тормыш юлы, аның иҗади эшчәнлеге, шагыйрьнең үз әсәрләрендә рус хатын-кызының матурлыгына ничек җырлавы, шулай ук балалар, аларның авыр тормышлары турында сөйли.
Метрәй авылы китапханәчесе «Батыр даны мәңгелек! " дип исемләнгән, якташыбыз-Советлар Союзы Герое Илдар Маннановның тормышына һәм батырлыгына багышланган тематик кичә үткәрде.
Мөслим гимназиясендә "Метапредмет нәтиҗәлелекне бәяләү технологияләре: белемнәрне комплекслы тикшерү чаралары, мониторингның автомат формалары” дигән темага татар теле һәм әдәбияты укытучыларының методик семинары үтте. Укытучылар ачык дәресләр карадылар, педагогик коучингта катнаштылар, тәҗрибәләре белән уртаклаштылар
Мөслим гимназиясе территориясендә шугалак ачылды. Теләүчеләрне һәрвакыт көтеп калабыз.
Озынайтылган көн төркемендә укучыларыбыз бик теләп шөгыльләнә. Тәрбиячеләре Мәҗитова А.Н. балалар белән төрле уеннар оештыра, төрле темаларга әңгәмәләр оештыра. Укучылар конструктор җыярга яраталар
Укучылар "Энергосберегай-ка" энерговикторинасында катнаштылар. Викторина Бөтенроссия энергия саклау һәм экология фестиваленә ярдәм йөзеннән социаль кампания кысаларында үткәрелә. Аның максаты-укучыларны энергияне саклау һәм энергия нәтиҗәлелеге темалары белән таныштыру, шулай ук табигый байлыкларга сакчыл караш тәрбияләү. Проект Татарстан Республикасы сәнәгать һәм сәүдә министрлыгы, Татарстан Республикасы Мәгариф һәм фән Министрлыгы һәм Татарстан Республикасы Энергия ресурсларының нәтиҗәле технологияләре үзәге тарафыннан оештырылды. " Энергияне сак тоту" викторинасы онлайн форматында узды.
Башлангыч сыйныф укытучысы Шәңгәрәева А.М. "Ел укытучысы” конкурсының зона этабында 3 нче сыйныфта ачык дәрес һәм мастер-класс күрсәтте