ЯҢАЛЫКЛАР

        Корбан бәйрәме уңаеннан Тойгелде коррекция мәктәбенә күп кенә мәрхәмәтле кешеләр корбан күчтәнәчләре китерделәр. Мәктәптә Корбан ашы зур мәҗелес итеп үткәрелде. Бәйрәмгә Мөслимнән, Әлмәт  шәһәреннән кунаклар килде.  Укучылар һәм мәктәп коллективы мәрхәмәтле кешеләргә рәхмәтләрен белдерделәр.

29 нчы сентябрь көнне мәгариф идарәсенең актлар залында укыту эшләре буенча директор урынбасарлары җыелды.  Киңәшмәдә мәгариф хезмәткәрләрен аттестацияләү мәсьәләсе каралды. Мәгариф һәм фән министрлыгыннан килгән төп документлар белән таныштырылды һәм күп санлы сорауларга җаваплар алынды.

Крәш  - Шуран мәдәният  йортында  " Экстремизмга -юк диябез"  исемле  кичә узды.