ЯҢАЛЫКЛАР

8 Май көнне тантаналы  рәвештә якташыбыз, мәктәбебез укучысы, данлыклы сугышчы,  I, II, III дәрәҗә Дан Ордены кавалеры Сәлихов Бәдыйк истәлегенә мемориаль такта ачылды.  Тантанада Район башкарма комитеты җитәкчесе Галимов Фиргать Әскать улы, Баек җирле үзидарә башлыгы Шәйхәйдәрова Нурсинә Әнвәр кызы, Бәдыйк абыйның улы- килене, оныгы, оныкчыклары катнаштылар.

Баек төп гомуми белем бирү  һәм Күбәк урта гомуми белем бирү мәктәпләре коллективлары арасында хезмәттәшлек җепләре урнаштыру максатыннан 14 май көнне мәктәпара методик берләшмә утырышының икенчесе үтте. Очрашу Күбәк урта мәктәбендә "  4 класс укучыларының урта мәктәпкә әзерлеге һәм  уңышлы адаптация  булдыру" дигән темага багышланды. Баек мәктәбенең башлангыч класслар укытучылары Баянова Ләйлә Яссир кызы, Гыйләҗетдинова Рәмзия Әбүзәр кызы чыгышлары, Дусай башлангыч мәктәбе укытучысы Набиуллина Гөлчәчәк  Нәҗип кызының "Экологик марафон" исемле мастер- классы,  укыту-тәрбия буенча директор урынбасары Мадьярова Айгөл Илгиз кызының "Үз уен" исемле викторинасы бик эшлекле итеп оештырылган иде.

Бүген, 26 нчы май көнне, Казан шәһәрендә республикакүләм “1 нче сыйныф укучысының культура көндәлеге” бәйгесенә йомгак ясала. “Әкият” курчак театры бинасында мәдәни яктан иң актив 1 нче сыйныф укучыларын тәбрикләү тантансы була. Тантанада район мәктәпләренең 35 беренче сыйныф укучысы катнаша.