Сәнгать мәктәбе яңалыклары

20 нче июль көнне сәнгать мәктәбенең укытучылардан торган агитбригада Нарат Асты урманының гаҗәеп гүзәл “Урман иле” балалар легерында 3 юнәлештә мавыктыргыч дәресләр биреп кайттылар. Рәмзия Каюмовна 35 бала белән открытка ясау буенча мастер-класс үткәреп бик матур бүләк открыткалар иҗат иттеләр. Рунар Расихович курайчылар ансамблен оештырса, Рәйсә Расиховна кашыклар ансамблен әзерләп курайчылар белән берлектә татар халык җырларыннан торган көйләр тезмәсе әзерләделәр. Вокал бүлеге укытучылары: Гүзәл Илгизаровна, Мөршидә Мирзахановна, Гөлназ Моряковна барлык ял итүче 82 баладан хор оештырып лагерьның ябылу көненә үзенчәлекле концерт номеры әзерләделәр. Теория укытучысы Гөлназ Вагизовна белән Гөлназ Моряковна балалар белән җыр сәнгатенә кагышлы уеннар уйнап ял иттеләр. Укытучылар барлык балалар белән берлектә күмәк флешмоб биеп саубуллаштылар. Ял итүче балалар сәнгать мәктәбе укытучылары уткәргән чаралардан бик нык кәнагать калып, тагын да чакырып, озатып калдылар.