"Рюкзакларны походка әзерлибез" бәйгесе җиңүчеләре

Республикакүләм үткәрелгән “Рюкзакларны походка әзерлибез” балалар рәсем бәйгесенең нәтиҗәләре билгеле булды. Бу бәйгедә республиканың 35 районыннан 181 эш катнашты. Безнең район данын яклап катнашкан укучыларыбыз призлы урыннар яуладылар. Менә алар: Хисаметдинова Эльвина, Рус-Шуган белем бирү мәктәбе укучысы «Нинди матур бу дөнья» номинациясендә III урынга (укытучысы - Коткова М.Е.) һәм “Таулардан яхшырак таулар гына була ала” номинациясендә Баланлы белем бирү мәктәбе укучысы Гизетдинова Зилә (укытучысы- Сафин Ф.Н.) шулай ук III урынга лаек булды. Аларны котлыйбыз һәм алдагы эшләрендә уңышлар телибез!