Мөслимдә "Татар әдәбияты һәм сәнгате көннәре”
"Татар әдәбияты һәм сәнгате көннәре” кысаларында районыбызга бертөркем язучылар, фән һәм сәнгать эшлеклеләре килә. 7 сентябрьдә 16:30 сәгатьтә район мәдәният йортында Татарстан Язучылар берлеге идарәсе һәм берлек әгъзалары, район җәмәгатьчелеге катнашында “Түгәрәк өстәл” узачак. Аның темасы – “Киләчәкне мәдәниятле, әхлаклы итү проблемалары, чишелеш юллары”. Шулай ук 18:00 сәгатьтә якташларыбыз – Татарстанның атказанган сәнгать эшлеклесе, шагыйрь Харрас Әюповны һәм Россиянең атказанган, Татарстанның халык артисты Наил Әюповны искә алу кичәсе, Харрас Әюповка багышланган китап презентациясе дә үтәчәк. 8 сентябрьдә исә Кунаклар, төркемнәргә бүленеп, Габдулла Тукай исемендәге мәктәптә, гимназиядә, лицейда һәм Күбәк мәктәбендә укучылар, авыл халкы белән очрашачак, Түреш авылында Харрас Әюповның каберенә чәчәкләр салачак.