Сәнгать мәктәбе яңалыклары

5 сентябрь көнне Мөслим сәнгать мәктәбенең актлар залында терроризмга каршы көрәшкә теләктәшлек белдерү көне уңаеннан “Беслан тәмугы” исемле тематик чара үткәрелде. Җыр сәнгате бүлеге укытучысы Гөлназ Йосыпова “Беслан трагедиясен онытырга мөмкин түгел” исемле видеоролик күрсәтте. Районның иҗтимагый совет рәисе, Татарстанның атказанган укытучысы Моряк Йосыпов укучыларга Бесландагы коточкыч фаҗига турында бик эчтәлекле итеп сөйләде. Бу чарага эчке эшләр бүлегенең оператив эшләр буенча урыбасары Ирек Бакыев та килде. Ул балаларга бик игътибарлы булырга, террор куркынычы янаганда үз-үзеңне ничек тотарга кирәклеге турында сөйләде, мәктәп эшчеләренә һәм укытучыларга диверсион-террор актларын кисәтү буенча өстәмә чаралар күрергә чакырды. Кичә ахрында сәнгать мәктәбе директоры Айгөл Фаттахова балаларга жәмәгать урыннарында, мәктәптән тыш чараларда үз-үзеңне ничек тотарга кирәклеге турында тагын бер тапкыр искәртте, hәркайда уяу булырга өндәде. Кичә азагында Беслан корбаннарын бер минут тынлык белән искә алдылар.