27 апрель көнне "Мөслим туган як музее" һәм район мәгариф бүлеге белән берлектә, Бөек Җиңүнең 71 еллыгын каршы алу уңаеннан "Хәтерләрдә саклансын" дип исемләнгән фәнни-гамәли укучылар конференциясе үткәрелде. Район мәктәпләреннән барлыгы 23 укучы чыгыш ясап, 35 укытучы-фронтовикның тормыш юлы, уңышлары белән танштырылды. Конференциягә кунак булып Бөек Ватан сугышы ветераннары Зиннуров Мансур Зиннур улы, Шәрипов Әхсән Әмир уллары чакырылды. Чыгыш ясаучыларга дипломнар тапшырылды.