Рәис Нәгыймов исемендәге «Урсал тауда» Бөтенроссия конкурс-фестивале

Рәис Нәгыймов исемендәге «Урсал тауда» Бөтенроссия конкурс-фестивале старт алды. Әлеге фестиваль ел да 1нче Әлмәт музыка мәктәбе базасында уза. Беренчеләрдән булып конкурс җыр сәнгате бүлеге укучылары катнашты. Сабировлар дуэты 1 нче дәрәҗә дипломант исеменә ия булды. Укытучылары Айгөл Шәйгарданова. Сабина Идиятуллина 3 дәрәҗә лауреат исемен алды. Укытучысы Гөлназ Йосыпова. Укучыларыбызга дипломнар, медальләр һәм истәлекле бүләкләр тапшырылды. Укучыларны җиңүләре белән котлыйбыз! Киләсе атнада конкурс «Халык уен коралларында уйнаучылар» номинациясендә узачак. Уңышлар теләп калабыз!