"Җиз кыңгырау моңнары" фестивале 1,5 меңнән артык тамашачыны җыйды.
Мөслимдә өченче тапкыр "Җиз кыңгырау моңнары" фестивале узды. Чара елдан-ел популярлаша бара. Иртәнге салкыннар - 30 градуска җитүгә карамастан, Мөслимгә күрше районнардан һәм шәһәрләрдән атлар сөючеләр җыелды, шулай ук Казаннан кунаклар да булды.
Традиция буенча бәйрәм ярминкәдән башланды, анда авыл хуҗалыгы продукциясе, көнкүреш товарлары, кием, балык продукциясе тәкъдим ителде һәм шашлыклар кыздырылды.
Авыл җирлекләре, район үзәгенең балалар бакчалары, мәктәпләр кунакларны сыйлар белән каршы алды. Кайнар коймак, тәбикмәкләр һәм төрле чәй тәм-томнары белән өстәлләрдә самоварлар кайнап торды. Ә Мөслим политехник техникумы пешекчеләре бәйрәм боткасы әзерләде.
Фестиваль районның фольклор ансамбльләре вәкилләренең концерты белән үрелеп барды. Якташларыбыз Азат һәм Алина Кәримовлар йолдызлы кунаклар булдылар. Алып баручы-Рафил Галимуллин.
Бәйрәм кунакларын сәламләп, район башлыгы Альберт Хуҗин һәм Бөтендөнья татар конгрессы вәкиле Фәрит Уразаев билгеләп үткәнчә, бу чара халкыбызның яхшы традицияләрен торгызуга этәргеч булды һәм Татарстанда бу төрдәге бердәнбер фестиваль булып тора.
Бәйрәмнең төп бизәге - җигелгән атлар. Парадны "Аргамак" ат-спорт комплексының өч атлы чанасы җитәкләде, шулай ук комплекс чабышкы атларны да чыгарды. Авыл җирлекләре атлар һәм чаналарны төрле йолаларга туры китереп бизәделәр. Бәйрәмдә барлыгы 10 чана һәм 19 ат катнашты. Кунаклар аларны күз яшьләре белән каршы алдылар.
Фестивальне "Аударыш" ярышлары тулыландырды. Азнакай, Тукай, Минзәлә, Лениногорск районнары, Яр Чаллы һәм Әлмәт көрәшчеләре атларда матур көрәш күрсәттеләр. Оештыручы булып Лениногорск районыннан фермеры Фәрит Нәбиуллин чыгыш ясады. Бүген аның ат ишегалды республикада иң зурларның берсе. Тукай районы вәкилләре чемпионатта беренче урынны алдылар.
Шулай ук кунаклар төрле спорт ярышларында бик теләп катнаштылар. Бу көнне Мөслимдә чыннан да эссе иде.