«Сандугач сайрар илем» төбәкара фестивале

Бүген Әлмәт шәhәрендә «Сандугач сайрар илем» төбәкара фестиваленең вокал номинациясе буенча конкурсы булып узды. Ел да төрле номинацияләрдә уздырылучы әлеге фестиваль «Татнефть» хәйрия фондының «Рухият» программасы ярдәме белән инде 30 елга якын республиканың иң сәләтле балаларын үзенә җыя. Фестивальдә Мөслим балалар сәнгать мәктәбенең вокал бүлеге укучылары катнашты. Юныс Шаехов - 3нче дәрәҗә лауреат (укытучысы Мөршидә Әхмәтҗанова), Сабина Идиятуллина - дипломант исеменә (укытучысы Гөлназ Йосыпова) лаек булдылар. Сандугачларыбызны җиңүләре белән котлыйбыз!