"Кыш бабай кубогы" на ир-атлар командалары арасында волейбол буенча ярыш

2024 елның 10 гыйнвары, чәршәмбе

6 гыйнварда Мөслим авылының универсаль спорт залында ир-атлар командалары арасында «Кыш бабай кубогы» на волейбол буенча ярышлар узды. 12 команда Кыш бабай кубогына ярыштылар. Ярышларны ачу тантанасында район башлыгы Альберт Хуҗин катнашты. Район башлыгы спортчыларга уңышлар һәм матур уеннар теләде. Җиңүче: 1 Чаллы НЕКОМ 2-Илтранс-Мөслим 3 - "Яшьлек". Җиңүче командалар һәм иң яхшы уенчылар кубоклар,грамоталар, медальләр белән бүләкләнде.