6 ай эчендә кулланучыларга 320 мең сумнан артык акча кайтаруда ярдәм күрсәтелде
Агымдагы елның алты аенда Түбән Кама территориаль органы белгече А.И. Виноградова кулланучылардан 140тан артык мөрәҗәгать кабул итте. Кулланучылар тарафыннан бирелгән барлык мөрәҗәгатьләр каралды, һәм үткәрелгән эш нәтиҗәсендә гражданнарның гомуми суммасы 320 мең сум булган мөлкәт хокукларын судтан тыш тәртиптә торгызырга мөмкин булды. Кулланучыларга акчалар Россия Федерациясенең гамәлдәге законнары нигезендә 3-10 көн эчендә кайтарылган.
Гражданнар, әгәр аларның хокуклары бозылса, товарлар һәм хезмәтләр кулланучы буларак мөрәҗәгать итә алалар. Мәсәлән: - әгәр кибеттә кире кайтарылырга яки алыштырылырга тиешле товарны кабул итүдән, кире кайтарудан яки алмаштырудан баш тартсалар; - сезгә сыйфатсыз товарлар яки хезмәтләр күрсәтелсә; -ваклап сату-алу килешүе шартлары үтәлмәсә; - әгәр сезгә мәҗбүри булмаган хезмәтне рәсмиләштерергә мәҗбүр итәләр икән; - әгәр сатучы товар яки хезмәт турында мәгълүмат бирә алмый яки бирергә теләми икән; - Әгәр банк кредит буенча артык түләү суммасын дөрес исәпләми икән.
Шулай ук Кулланучылар хокукларын яклауда консультация яки башка ярдәм күрсәтү өчен түбәндәге адресларга мөрәҗәгать итәргә мөмкин: 423970, ТР, Мөслим районы, Мөслим авылы, Пушкин урамы, 91 йорт, 2 нче кат, элемтә телефоны: 8(85556) 2-35-05