Танып-белү сәгате “Раштуа бәйрәме уеннары”

2022 елның 13 гыйнвары, пәнҗешәмбе

7 гыйнвар көнне, Яңа Усы авылы иң олы бәйрәмнәрнең берсе – Раштуаны билгеләп узды. Авылдашларыбызның күбесе, 40 көн ураза тотып, бәйрәмне сагынып көтеп алды. Бала-чага иртә таңнан өйдән-өйгә кереп салавут әйттеләр, әйтә белмәгәннәр “Бәйрәм белән” дип котладылар. Хуҗалар исә балаларны җылы итеп каршы алып, акча һәм тәм-томнар биреп озаттылар. Шул уңайдан китапханәче мәдәният җитәкчесе белән берлектә балаларга “Раштуа бәйрәме уеннары” исемле танып-белү сәгате уздырдылар. Иң элек Раштуа бәйрәменең тарихы, йолалары, ничегрәк бәйрәм ителүе турында презентация күрсәтелде. Укучылар тарафыннан бәйрәмгә багышланган шигырьләр укылды. Соңыннан саф һавада уеннар уйнатылды.