Мөслим сәнгать мәктәбендә чыгарылыш кичәсе булып узды

Кичә, 26 май көнне Мөслим сәнгать мәктәбендә чыгарылыш кичәсе булып узды. Барлыгы 52 укучыга сәнгать мәктәбен тәмамлады дигән таныклык тапшырылды. Кичәдә уңышларга ирешкән укучыларга мәктәп администрациясе исеменнән Рәхмәт хатлары тапшырылды. Бәйрәм укучыларыбызның җыр-биюле чыгышлары белән үрелеп барды. Сәнгать мәктәбе директоры Айгөл Фәттахова, укыту-тәрбия эшләре буенча директор урынбасары Румия Деникаева чыгарылышларга үзләренең теләкләрен җиткерде. Ахырдан балалар уй-теләкләрен яңгыратып, күккә шарлар очырды.