5 февраль көнне район мәдәният йортында Мөслим районы мәдәният бүлеге хезмәткәрләре коллегиясе узды

5 февраль көнне район мәдәният йортында Мөслим районы мәдәният бүлеге хезмәткәрләре коллегиясе узды. Коллегия утырышнда район башлыгы Рамил Муллин, район мәдәният бүлеге җитәкчесе Ирек Салихҗанов, Татарстан Республикасы Дәүләт советы депутаты Альберт Хәбибуллин, Мөслим районы кураторы Ригель Низамов катнаштылар. Иң элек, район мәдәният бүлеге җитәкчесе Ирек Салихҗановның 2020нче елдагы эшчәнлеккә йомгак чыгышы тыңланды. Шулай ук авыл китапханәсе һәм клублары эшчәнлеге турында чыгышлар булды. Мәдәният бүлеге эшчәнлегенә район башлыгы Рамил Муллин үз чыгышында югары бәя бирде. Дәүләт советы депутаты Альберт Хәбибуллин да мәдәният өлкәсендә хезмәт куючыларның хезмәтен алыштыргысыз дип бәяләде. Соңыннан, ел әйләнәсе яхшы эш күрсәткечләренә ирешкән хезмәткәрләр бүләкләр алды. Мөслим сәнгать мәктәбе директоры Айгөл Назыйф кызы Фәттахова, халык уен кораллары бүлеге укытучысы Әлфинур Әгъзәм кызы Гыйльметдинова район башлыгының Рәхмәт хатына лаек булдылар. Сәнгать мәктәбенең хуҗалык эшләре буенча директор урынбасары Гөлназ Данил кызы Хәйруллина, фортепиано бүлеге укытучысы Алеся Миннеришат кызы Латыпова, җыр сәнгате бүлеге укытучысы Айгөл Риф кызы Шәйгәрданова, рәсем сәнгате бүлеге укытучысы Гөлназ Рәсим кызы Талыйпова район мәдәният бүлегенең Рәхмәт хатларына лаек булдылар.