"Ватаным Татарстан" газетасы журналистлары белән очрашу кичәсе
Метрәй авыл китапханәсе, авыл мәдәният йорты белән берлектә, бер төркем "Ватаным Татарстан" газетасы журналистлары белән очрашу кичәсе үткәрде. Кичәдә "Ватаным Татарстан" газетасының баш мөхәррире урынбасары Фәния Кәбир кызы Әхмәтҗанова; популяр язучы, драматург, шагыйрь Марат Рәфил улы Кәбиров, бик күп мәкаләләр авторы, якташыбыз Раушания Шәйхулла кызы Шәяхмәтова; "Яңа гасыр" телеканалының "Манзара" тапшыруы алып баручысы ,җырчы Ильяс Айрат улы Шәяхмәтов, авылыбыз өчен янып йөрүче егетебез Рузәл Минһаҗев, авыл җирлеге башлыгы Айзат Азат улы Гыйльфанов; Мөслим районы Башкарма комитеты җитәкчесенең социаль - мәдәни мәсьәләләр буенча урынбасары Марина Ранас кызы Бәдретдиновалар катнашып, чыгышлар ясадылар, тамашачылар сорауларына җаваплар бирделәр. Кичә авылыбызның үзешчән егет - кызларының моңлы җырлары белән үрелеп барды.