“Вокал сыйныфында эстрада ансамбле белән эшләү” дигән темага ачык дәрес

Бүген Мөслим сәнгать мәктәбендә тагын бер чара узды. Җыр сәнгате бүлегенең 1 категорияле укытучысы Галиева Гүзәл Илгизәр кызы “Вокал сыйныфында эстрада ансамбле белән эшләү” дигән темага ачык дәрес күрсәтте. Дәрес традицион күнегүләрдән башланды. Соңыннан, балалар укытучылары белән берлектә Л.Батыр-Болгариның “Туган ил” җырын өйрәнделәр. Дәрес ахырында укучыларга Халыкара конкурс дипломнары тапшырылды, ансамбль коллективын туплау өчен уен оештырылды. Дәрестә укыту-тәрбия эшләре буенча директор урынбасары Румия Деникаева, бүлек җитәкчесе Гөлназ Йосыпова, укытучы Айгөл Шайгарданова катнаштылар.