“Звезды из завтра” республика фестивале

Мөслим сәнгать мәктәбенең якты йолдызлары шактый. Бүгенге көндә фортепиано бүлегендә белем алучы Язилә Кыямова – шундыйларның берсе. Агымдагы уку елында Язилә тагын бер яңа баскычка күтәрелде. Ул Яр Чаллы шәһәрендә узган “Звезды из завтра” республика фестивалендә катнашып, финалга узды. Әлеге бәйгедә Россиянең танылган сәнгать иясе Рөстәм Абязев иң сәләтле дигән укучыларны сайлап алып, үзенең камера оркестры белән чыгыш ясау мөмкинлеге бирә. Язиләбез дә “Ля Примавера” оркестры солисты буларак Яр Чаллы шәһәренең орган залында чыгыш ясап, лауреат исеменә лаек булды. Язиләнең укытучысы – Румия Деникаева.