14 яше тулган барлык гражданнарга тантаналы рәвештә паспортлар тапшырылды.
Россия Федерациясе паспорты-Россия гражданнарының шәхесен таныклаучы төп һәм иң мөһим документ, ул 14 яшькә җиткән һәм Россия территориясендә яшәүче барлык гражданнар ия булырга тиеш. Бүген "Батырлар йорты" Хәрби Дан залында 14 яше тулган барлык гражданнарга тантаналы рәвештә паспортлар тапшырылды. Паспортларны тапшыру тантанасында Россиянең яшь гражданнары һәм балаларның әти-әниләре катнашты. Балаларны истәлекле мизгелләре белән котларга паспорт-виза бүлеге начальнигы Маракина Роза Ивановна, Мөслим районы ГХАТ бүлеге җитәкчесе Магалимова Язилә Ш., Мөслим бүлегенең "Бердәм Россия"партиясенең "Яшь гвардия" хәрәкәте җитәкчесе Айсылу Васыловна килделәр. Туган якны өйрәнү музее директоры Бәдертдинова Назилә Наил кызы балаларны паспорт алу белән котлады. Ул билгеләп үткәнчә, паспорт алу — олы тормышка беренче җитди адым, бирелгән документка сакчыл карауларын, Россия Федерациясе гражданины исемен лаеклы рәвештә йөртүләрен, яхшы укуларын, белем алуларын һәм безнең районга кайтуларын теләде.