“Балалар экология-биология үзәге” тарафыннан “Табигать һәм без” дип аталган республикакүләм экологик  фестиваль.

Түбән Кама шәһәренең “Балалар экология-биология үзәге” тарафыннан “Табигать һәм без” дип аталган республикакүләм экологик  фестиваль оештырылды. Район данын Мөслим лицее, Күбәк урта мәктәбе, Олы Чакмак төп гомуми белем бирү мәктәпләре яклады. Лицей укучылары “Мин - эковолонтер” номинациясендә 1 урынны яуладылар.Алинә Сабирова, Язилә Габидуллина, Аида Гарипова “Экоград” номинациясендә 3 урынга, Алинә Сабирова исә “Эко-объектив” номинациясендә (Олы Чакмак мәктәбе) 2 урынга лаек булдылар. “Мастерилка” кул эшләре номинациясендә Күбәк укучылары призер булдылар. Җиңүчеләргә һәм призерларга Мәгариф һәм фән министрлыгының мактау кәгазъләре һәм истәлекле бүләкләр тапшырылды. Конкурсны Мәктәптән тыш эшләр үзәге оештырды.