Сәнгать мәктәбе яңалыклары

Мөслим сәнгать мәктәбенең тынлы уен кораллары ансамбленең “Сандугач сайрар илем” республика конкурсында җиңү яулаганын инде хәбәр иткән идек. 31 март көнне ансамблебез бәйгенең Әлмәт шәһәрендә узган гала-концертында катнашты. Конкурс-фестивальдә 3 нче дәрәҗә лауреат исемен яулаган тынлы уен кораллары ансамбле, “Нефтьче” мәдәният сараенда узган концертта катнашып, республика тамашачысының мәхәббәтен яулап кайтты. Ансамбльнең җитәкчесе – Рунар Шәяхмәтов. Мөслим сәнгать мәктәбенед тынлы уен кораллары ансамбле “Нефтьче” мәдәният сараена килгән кунакларны маршлар, татарның бөек көйләрен уйнап таң калдырдылар. Бу көнне укучылар Әлмәт шәһәре буйлап күңелле экскурсия дә ясады. Экскурсияне оештыруда җыр бүлеге укытучысы Гөлназ Хафизова ярдәм күрсәтте.