Сәнгать мәктәбе яңалыклары

Бу көннәрдә Мөслим сәнгать мәктәбе укучылары өченче уку чирегенә йомгак ясау белән мәшгуль. Гадәттә, укучылар чирек дәвамында үзләштергән белемнәрен зачет рәвешендә тапшыра. Шулай итеп, 16 март көнне – вокал бүлеге, 20 март көнне – театр сәнгате бүлеге, 21 мартта халык уен кораллары бүлеге укучылары зачет бирде. Җырчылар 1 композиция, халык уен кораллары бүлеге укучылары төрле характердагы ике көй тапшырды. Театр сәнгате бүлегендә белем алучылар сәнгатьле итеп әсәрләрдән өзек сөйләп күрсәтте. Зачет нәтиҗәләре буенча һәр укучыга чирек билгесе чыгарылачак.