ЯҢАЛЫКЛАР
17 март көнне район мәдәният йортында мәдәният хезмәткәрләренең чираттагы утырышы булып узды.
Яңа Усы авылы китапханәчесе, мәдәният йорты җитәкчесе мәктәп коллективы белән берлектә Нәүрүз бәйрәме үткәрде. Сый-нигъмәтләр белән сыгылып торган өстәл әзерләнде,чәй кайнап торды, коймаклар табада пешеп торды. Күңелле уеннар уйнатылды.Бәйрәм концерт номерлары белән үрелеп барды.
"Йортларга - китап нуры" акциясе кысаларында Югары Табын авылы китапханәчесе хезмәт ветераны Хөснуллина Рәсимә апаның өендә булды. Ул аны яңа килгән газета, журналлар һәм авыл, район яңалыклары белән таныштырды.
"Жир көне" акциясе үтте...
Спорт мәктәбе бадминтончылары 17 нче марттан 19 март көннәрендә Казан шәһәрендә үткән Татарстан беренчелегендә катнаштылар...
17 нче март көнне Казан шәһәрендә Г.Ибрагимов исемендәге VIII республика фәнни-гамәли конференциясе узды. Конференциядә 7 секция эшләде. Татар теле, рус теле секцияләрендә Мөслим муниципаль районы Тат.Шуран төп, Күбәк урта гомуми белем бирү мәктәбенең 8, 11 нче сыйныф укучылары, Руслан Шәмсетдинов, Язгөл Тимеркаева уңышлы чыгыш ясап, Грамотага лаек булдылар (җитәкчеләре – татар теле, рус теле һәм әдәбияты укытучылары Венера Шаева, Энҗе Фатыйхова). Туган якны өйрәнү секциясендә Михайловка урта гомуми белем бирү мәктәбенең 8 нче сыйныф укучысы Раушан Нигъмәтуллин шаһадәтнамәга ия булды (җитәкчесе – татар теле һәм әдәбияты Резеда Иксанова).
Татарстан Республикасы Түбән Кама шәһәре И.Х.Садыйков исемендәге “Балалар һәм яшьләр иҗат сарае” үткәргән IV республикакүләм “Туган телем – серле тел” шигырь сөйләүчеләр конкурсының “Туган тел” номинациясендә Мөслим муниципаль районы Әмәкәй төп гомуми белем бирү мәктәбенең 6 нчы сыйныф укучысы Айрат Шамс III дәрәҗә Диплом иясе булды (җитәкчесе: татар теле һәм әдәбияты укытучысы Резеда Шамсова).
Татарстан Республикасы яшьләр эшләре һәм спорт министрлыгы Татар федераль милли-мәдәни автономиясе “Идел” яшьләр үзәге оештырган Татарстанның халык шагыйре Разил Вәлиевнең тууына 70 яшь тулуга багышланган «Дулкыннар» республика бәйгесендә “Нәфис сүз” номинациясендә Мөслим муниципаль районы Әмәкәй төп гомуми белем бирү мәктәбенең 6 нчы сыйныф укучысы Айрат Шамс махсус бүләк Диплом белән бүләкләнде (җитәкчесе татар теле һәм әдәбияты укытучысы Резеда Шамсова).
Әлмәт дәүләт муниципаль хезмәт институты инициативасы белән алтынчы ел шагыйрә Г.Тукай исемендәге дәүләт бүләге иясе К.Булатова исемендәге премия тапшыру тантанасы уздырылда. 17 нче март көнне узган конкурс гомуми урта белем бирү мәктәпләре, лицей, гимназия укучылары, югары уку йортлары студентлары арасында уздырылды. Катнашучылар “Әдәби иҗат” һәм “Фәнни эш” юнәлешләре буенча көч сынашты.