Татарстанның бадминтон өметләре
7 -9 апрель көннәрендә Аксубай районында «Татарстанның бадминтон өметләре» республика ярышларының I этапы үтте. Ярышта республикабыздан 300 иң яшь бадминтончы катнашты. Спорт мәктәбендә шөгыльләнүче 2006-2007 нче елгы, 2008 нче елгы һәм кечерәк яшьтәге балалардан торган команда катнашты.
Парлы уеннарда Ханов Ринас 2008 нче елгы балалар арасында Алексеевский районы спортчысы белән берлектә 2 нче урын яулады. Шәйхуллин Нурислам 2007 нче елгы балалар арасында шулай ук парлы уеннарда Алексеевский районы уенчысы белән берлектә 2 нче урынга лаек булдылар. Кызлар арасындагы парлы уеннарда Хәбибуллина Фатима Казан шәhәре уенчысы белән берлектә 3 нче урынны алдылар. Катнаш уеннарда Ханов Ринас Тәтеш кызы белән берлектә 3нче урынга лаек булдылар. Команданың тренеры- Ханов И.Р.