Сәнгать мәктәбе яңалыклары

Халык җырлары, моңнары гасырлар аша буыннан - буынга сакланып һәм камилләшеп, безнең бабаларыбыз тарафыннан калдырылган иң кадерле мирас булып тора. Ул жырлар, үзләреннән үзләре тумаган, аларны кемнәрдер уйлап чыгарган, башлап җырлаган, димәк, аларның авторлары булган. Телдән-телгә күчеп, алар шомара барган һәм бүгенге көнгә кадәр сакланып, камилләшеп килгән. Вокал бүлеге укытучысы Әхмәтҗанова М.М. укучылар белән “Татар халык җырлары-иң кадерле мирас” дигән темага ачык дәрес күрсәтте. Дәрестә уен формасында укучыларга яңа тема аңлатылды. Соңыннан уен ярдәмендә үткән тема ныгытылды, балаланың белемнәре тикшерелде.