“Без бергә” балалар иҗатының республика фестивалендә катнашу.

31 майдан 2 июньгә кадәр “Казанская ярмарка” территориясендә  муниципаль берәмлекләрнең  балалар иҗатын үстерүдә  ярдәм итүгә юнәлдерелгән  “Без бергә” республика фестивале була. Бәйрәм кысалары үз эченә түбәндәге чараларны ала:

• Робот техникасы буенча республика олимпиадасы;
• Гади автомодельләр буенча шәхси һәм команда беренчелегенә ярышлар;
• Гади авиамодельләр буенча бәйгеләр;
• Гади көймә модельләре буенча ярышлар;
• Туризм буенча бәйге;
• “Без бергә” фольклор халык коллективларының  фестивале; 
• “Россия сувенирлары” декоратив-кулланма сәнгате күргәзмә-ярминкәсе;
• Техник иҗат күргәзмәсе һәм төрле мастер-класслар.

Районыбыз данын “Без – мөслимлеләр, без – бергә”девизы астында Мәктәптән тыш эшләр үзәге җитәкчелегендә җыелма команда яклый.

Катнашучыларга уңышлар һәм яңа үрләр теләп калыйк!