Сәнгать мәктәбе яңалыклары

Мөслим сәнгать мәктәбендә «Йолдызлык - 2016» ХVI ачык республика телевизион яшьләр фестиваленә әзерлек эшләре бара. Ольга Нуруллина җитәкчелегендәге «Мөслим бизәкләре», “Кәләпүш”, “Асса” бию ансамбльләре, Ринат Умеров җитәкчелегендәге “Хыял” бию ансамбле, конферанслар, жырчылар, вокаль ансамбльләр 12–13 март көнне Зифа Басырова исемендәге мәдәният йортында узачак зона турына әзерләнәләр. Безнең укучылар бу көнне Актаныш, Әгерже, Минзәлә районы таланталары белән көч сынашачаклар. Сәнгать мәктәбе, китапханә хезмәткәрләре, балалары өчен янып-көеп йөрүче ата-аналар көче белән фестивальгә өр-яна костюмнар тегелә. Балаларыбызга “Йолдызлык-2016” бәйгесендә уңышлы чыгыш ясап, районыбыз данын Казан шәhәрендә финал турларында да яклауларын теләп калабыз.