Ир-егетләрне котлаячакбыз!

 Мәктәптән тыш эшләр үзәге каршында эшләп килүче журналистика берләшмәсе әгъзалары һәр бәйрәм саен диярлек радиоэфир аша тыңлаучыларны котлыйлар. Ватанны саклаучылар көнендә  дә кызлар ир-егетләргә үз сүзләрен җиткерәчәк. Айсылу Бәдретдинова, Алина Сергеева, Ангелина Кинарская, Диана Пестрикова матур шигырьләрне сәнгатьле укырга әзерләнделәр һәм радиостудиядә тавышларын яздырдылар. Котлау эфирга 23 февраль көнне чыгачак. Хөрмәтле әтиләр, абый-энеләр! Бу көнне радиоалгычларыгызны кушарга онытмагыз!