Иптәшләрчә очрашу.

27 гыйнвар көнне Мөслим районы “Мизгел” яшьләр үзәге белгечләре студентлар арасында баскетбол буенча иптәшләрчә очрашу үткәрде. 2015 елда башлангыч алган әлеге чара инде матур традициягә әйләнеп бара. Бу елны очрашуда катнашырга 7 команда теләк белдерде. Шулай ук әлеге спорт төрен үз итүчеләр һәм җанатарлар да күп җыелган иде. Егетләр бик матур уен күрсәтеп җиңү баскычында түбәндәгечә урнаштылар: 1 урында “Район үзәге” командасы ( капитаны Арсланов Фасыл), 2 урынны “Гимназия студентлары” яулады ( капитан Вагизов Алмаз), 3 баскычта “Форпост” командасы ( капитан Хабибуллин Фәрхәт). Җиңүче команда “Дуслар- клаб” кафе клубына 1000 сумлык сертификат, ә барлык уенда катнашучылар даими спонсорыбыз Аюпов Айдардан татлы бүләкләр иясе булдылар.