Сәнгать мәктәбе яңалыклары

22 гыйнвар көнне Мөслим балалар сәнгать мәктәбендә балалар шагыйре, хәвәскәр музыкант Абдулла Алиш исемендәге премия лауреаты Мәҗәhит Әхмәтҗановка 65 яшь тулу уңаеннан иҗат кичәсе үтте. Бу кичә Мәҗәhит Әхмәтҗановның күп кырлы талант иясе икәнен дәлилләде.Шагыйрнең иҗаты белән якыннан театр бүлеге укучылары таныштырдылар, алар балалар өчен язылган кызыклы, мәгънәле шигырьләрен сөйләделәр. Җыр бүлеге укучылары аның шигырьләренә язылган җырларны башкарып тамашачыларны сөендерде. Кичәдә зур кунаклар катнашты, алар арасында Яр Чаллы шәhәреннән “Көмеш кыңгырау” гәҗитенең баш мөхәррире Факил Сафин, шагыйрә Әлфия Ситдикова Мәҗәhит Заhит улының укучысы җурналист Айсылу Салимова, Лилия Садриева, Фоат Садриев hәм Татарстанның атказанган мәдәният хезмәткәре Фәнис Абдуллин. Мәртәбәле шагыйрь Мәҗәhит Әхмәтҗановның иҗат кичәсенә багышланган чараны сәнгать мәктәбенең алыштыргысыз укытучысы Азия Закирҗан кызы алып барды. Мәктәп фойесында шагыйрьнең китапларынан, рәсем сәнгате бүлеге укучылары ясаган рәсемнәрдән күргәзмә оештырылды.