Интеллектуаллар көч сынашты
Агымдагы елның 16 декабрендә Мөслим урта мәктәбе базасында район мәгариф идарәсе мәгариф хезмәткәрләре арасында шахмат буенча район сайлап алу бәйгесе оештырды. Әлеге ярышлар финал туры булып торды, спортчыларның бәйге нәтиҗәләре 4 Кышкы район спартакиадасының гомуми команда зачетына керәләр.
Турнирда районыбызның 19 мәктәбеннән 40лап шахмат сөюче катнашты. Ир-егетләр арасында беренчелекне Тат.Бүләр мәктәбе укытучысы Мөнир Нәбиуллин алды. Икенчедә Баек төп гомуми белем бирү мәктәбеннән Алмаз Рәхимҗанов. Өченче урынга Олы Чакмактан Мөнәвир Нәгыймов чыкты. Хатын-кызлар арасында Михайловка урта мәктәбе укытучысы Людмиля Утябаева җиңү яулады. Икенчедә – Гөлчәчәк Даутова (Мөслим урта мәктәбе), өченчедә Сирена Фәсхиева (Олы Чакмак төп гомуми белем бирү мәктәбе).