2016 елның 1 гыйнварыннан ваклап сату кибетләрен хәмер продукциясен сатып алу турында мәгълүматларны чагылдыру өчен ЕГАИС системасына тоташтыру турында хәбәр

Этил спиртын, алкогольле һәм спиртлы продукцияне җитештерүне һәм әйләнешен дәүләти җайга салу һәм алкогольле продукцияне куллануны (эчү) чикләү турында” Федераль законга үзгәрешләр кертү хакында” 29.06.2015 ел, № 182-ФЗ Федераль закон нигезендә, ЕГАИСка мәгълүматлар тапшыруга бурычлы затлар исемлегенә үзгәрешләр кертелде һәм ЕГАИСка мәгълүматлар тапшыра башлау срогы билгеләнде (http://fsrar.ru/news/view?id=1189). 2016 елның 1 гыйнварыннан алкогольле продукцияне, шул исәптән сыра һәм сыра эчемлекләрен, сидр, пуаре һәм медовуханы ваклап сатучы барлык оешмалар һәм хосусый эшмәкәрләр аны сатып алуның барлык фактларын ЕГАИС системасында раслап (теркәп) барырга тиеш. Товар җибәрүче тарафыннан бирелгән товар-транспорт накладнойларын ЕГАИС системасында теркәп, алга таба системаның раславына җибәрергә кирәк. Кибет хезмәткәрләренә сатып алу фактын учет программасында расларга кирәк булачак. Шуннан соң мәгълүмат “Транспортный модуль” ярдәмендә ЕГАИС системасына тапшырылып, шифрланган рәвештә җибәреләчәк, шулай ук JaCarta SE PKI/ГОСТ аппарат ачкычы һәм квалификацияләнгән сертификат ярдәмендә электрон имза белән имзаланачак. Техник чараларга таләпләр “Алкогольле продукцияне җитештерү һәм әйләнеше күләме турында мәгълүматларны теркәү һәм тапшыруның техник чараларына карата таләпләр турында” 31 декабрь, 2005 елгы РФ Хөкүмәте карары (2015 елның 5 августы ред.) нигезендә расланган.