СОҢГЫ КЫҢГЫРАУ - 2015

Бүген районыбызның 23 мәктәбендә һәм аларның 17 филиалында соңгы кыңгырау бәйрәмнәре үтте. Чыгарылыш  сыйныф укучылары өчен соңгы кыңгырау яңгырады. Быел район мәктәпләренең 11 нче сыйныфларын 139, 9 нчы сыйныфларын 219 укучы тәмамлый.

2014-2015 нче уку елы тәмамлану алдында. Мәктәпләрдәге 2180 бала бу көннәрдә йомгаклау контроль эшләре, тестлаштырулардан беркадәр арып, финиш сызыгын көтәләр. 1 нче сыйныфларның иң кечкенәләр булуын исәпкә алып, аларны бүгеннән үк ялга җибәрсәләр, 2-4 нче сыйныфта укучылар әле 1 атна  экскурсияләргә чыгачаклар, 5-8, 10 нчы сыйныфлар исә белем алуларын дәвам итәчәкләр. Чыгарылыш сыйныфларда имтиханнар башлана.