“Гадел булып яшик!”,

8 декабрь көнне  Казан Кремлендә республика күләм коррупциягә каршы оештырылган иҗади эшләр “Гадел булып яшик!”, “Илемнең киләчәге минем кулымда”, “Коррупциягә – ЮК дип әйтик”, “Закон сагында коррупциягә каршы” конкурсларына  йомгак ясалды.

Бу чарада шушы конкурсларда  катнашкан һәм җиңгән укучылар һәм аларның педагоглары катнашты.  Безнең районнан Мәктәптән тыш эшләр үзәгенең “Әвәләү” түгәрәгендә шөгыльләнүче Тимашева Алена һәм өстәмә белем бирү педагогы Ренат Хаҗиев чакырылды. Аленага ТР Мәгариф  һәм фән министрлыгының  һәм ТР Президенты идарәсенең коррупциягә каршы политика бүлегенең мактау грамотасы һәм истәлек бүләге тапшырылды.