Мөслим муниципаль районы

Мизгел” яшьләр үзәге чираттагы акцияне Пушкин урамындагы 84-90 йортлар урнашкан ишек алдында үткәрделәр.

2014 елның 29 мае, пәнҗешәмбе

Без ишегалларында тәртип һәм чисталык өчен! - 2

“Мөслим районы территорясендә каты көнкүреш калдыкларын икенчел эшкәртү турында 2014-2018 елларга муниципаль макчатчан программа”ны тормышка ашыру йөзеннән “Мизгел” яшьләр үзәге чираттагы акцияне Пушкин урамындагы 84-90 йортлар урнашкан ишек алдында үткәрделәр. Мәйданчыкка «пластик шешәләр», «пыяла», «кәгазь» дип язылган 3 контейнер урнаштырылды. Күпкатлы йортларда яшәүчеләр белән акция хакында әңгәмәләр үткәрелде, подъезд ишекләренә белдерүләр урнаштырылды, фатирларга искәртүләр таратылды. Кичкә таба «пластик шешәләр», «кәгазь» дип язылган урналарга тиешле чүп чалынса, «пыяла» дип язылганына бөтен төрдәге чүп – чар тутырылган иде.

“Мин үз ишегалдымны ничек күрәм” рәсем-плакатлар конкурсында җиңүче балалар: Галимова Әдилә (Пушкин урамы 84 йорт 7 фатир , 8 яшь), Мәксүтова Айгөл (Пушкин урамы 88 йорт 7 фатир , 9 яшь), Камалова Илүзә (Пушкин урамы 90 йорт 4 фатир , 13 яшь) ярыша-ярыша хыялларындагы ишек алды хакында сөйләделәр. Ул чиста һәм төзек , матур чәчәкләр, куаклар үсеп утыра, уен мәйданчыклары, тротуарлар ясалган, машиналар махсус урынга куелган.Ә безгә, өлкәннәргә, сабыйларны тыңларга һәм теләкләрен тормышка ашырырга гына кала.

ОДМС

БАРЛЫК ЯҢАЛЫКЛАРНЫ УКУ