Мөслим муниципаль районы

“Мөслим районы территорясендә 2014-2018 елларда каты көнкүреш калдыкларын икенчел эшкәртү турында муниципаль макчатчан программа”ны тормышка ашыру

2014 елның 21 мае, чәршәмбе

“Мөслим районы территорясендә 2014-2018 елларда каты көнкүреш калдыкларын икенчел эшкәртү турында муниципаль макчатчан программа”ны тормышка ашыру йөзеннән БИО муниципаль унитар предприятиесе , районның яшьләр белән эшләү һәм спорт бүлеге, “Мизгел” яшьләр үзәге, “Искра” активистлар хәрәкәте белән берлектә “Без ишегалларында тәртип һәм чисталык өчен” исемендә акцияләр циклы башлап җибәрде. Иң беренче булып бу акция Вахитов урамының 17-21 йортлары урнашкан ишек алдында үткәрелде. 19 май көнне 10 сәгать 30 минутта бу мәйданга «пластик шешәләр», «пыяла», «кәгазь» дип язылган 3 контейнер урнаштырылды. Күпкатлы йортларда яшәүчеләр белән акция хакында әңгәмәләр үткәрелде, подъезд ишекләренә белдерүләр урнаштырылды. Төшке ял вакыты булса да өйдә булучылар әз иде, ләкин берничә кеше шунда ук көнкүреш калдыкларын алып чыгып тиешле контейнерларга салдылар. Ләкин күп тә үтмәде, безнең савытларыбыз тирес, салам, башка вак-төяк белән тулды. БИО муниципаль унитар предприятиесе график нигезендә чүп-чарны алып китеп торса да буш савытларны файдаланып калырга теләделәр булса кирәк. Акциябез бөтенләй үк унышсыз үтте дип әйтәсе килми, берничә кеше аңлап аңа кушылды. Бу йортларда яшәүче балалар “Мин үз ишегалдымны ничек күрәм” рәсем-плакатлар конкурсында бик теләп катнаштылар, хыял-теләкләрен дә белдерделәр. Ә өлкәннәрнең үзаңын уятасы бар әле. 20 майның кичендә күпкатлы йортларда яшәүчеләр белән берлектә “Искра” активистлар хәрәкәте ярдәме белән төшерелгән экологик видеоролик карадык, рәсемнәргә нәтиҗә, ә эшебезгә йомгак ясадык. Пушкин һәм Кооператив урамнары ишегалды – акция үткәрәсе чираттагы нокталар

БАРЛЫК ЯҢАЛЫКЛАРНЫ УКУ