"Аргамак" командасының Саба районы Кубогында уңышлары

2026 елның 7 сентябре, дүшәмбе

5 һәм 6 сентябрьдә Саба районында Саба муниципаль районы Кубогына конкур буенча ат спорты ярышлары узды. Әлеге мәртәбәле ярышларда «Аргамак» ат спорты комплексы командасы да актив катнашты.

Безнең спортчылар төрле маршрутларда бик яхшы нәтиҗәләр күрсәттеләр:

• Маршрут 120 см: Кирилл Петроченко һәм Ледниковый период аты-3 нче урын.
• Маршрут 110 см: Амалия Шәфыйкова һәм Ледниковый период -2 нче урын.
• Маршрут 100 см( гомуми исәп): Кирилл Петроченко Абректа — 2 нче урын, Кирилл Петроченко Бренд атында-3 нче урын.
• 100 см Маршрут( балалар өчен зачет): Иллария Самсонова һәм Бренд-1 нче урын.

Спортчыларыбызны лаеклы нәтиҗәләр белән котлыйбыз.  Киләсе сезонда яңа биеклекләр һәм зур казанышлар телибез.