«Яшьлек» спорт мәктәбендә тәрбияләнүчеләр язгы каникул вакытында "Батырлар йорты"музеенда булдылар.

«Мизгел» яшьләр үзәгендә яшьләр өчен «Пижама-party»узды.  Мендәрләр, яраткан уенчыклар һәм пижамалар, менә йокларга гына беркем дә җыенмый:31 март көнне «Мизгел» яшьләр үзәгендә «Пижама-party» узды!  Кичә-ул, беренче чиратта, уеннар һәм биюләр, тере аралашу һәм уңай эмоцияләр, күп кенә позитив фотографияләр, дискотека, шулай ук бик күп кызыклы конкурслар һәм актив күңел ачу.

2026 елның 03 апрелендә Татарстан Республикасы Сарман муниципаль районының "Айтуган" Универсаль спорт комплесында СССР ның спорт остасы,РСФСР ның ирекле көрәш буенча җиңүчесе Гәрәев Хаҗип Хази улы истәлегенә lV че Республикакүләм Татар-Милли көрәш бәйгесе узды. Мөслим муниципаль районы данын яклап ике яшүсмер көрәшчебез призлы урынга ирештеләр 2012 елгы яшүсмерләр арасында 30кг үлчәү авырлыгында 1 урын - Вәлиев Әмир,  70кг үлчәү авырлыгында 3 урын - Колесов Илдан Тренерлары: Садретдинов Ленар Радик улы, Фаттахов Расил Кирам улы. Әфәрин егетлэр!

4 нче апрельдә кул көрәше буенча Удмуртия Республикасы Кубогында "Яшьлек" спорт мәктәбе укучысы Сәхабиев Руслан көмеш медаль яулады. Спортчының тренеры Ларис Бариев. 

3 нче апрельдән 5 нче апрельгә кадәр Байлар Сабасында "урожай" ДСОның 90 еллыгына багышланган "Сәламәтлек"ХХІІІ нче авыл Спартакиадасы программасы буенча авыл районнары командалары арасында бадминтон буенча Татарстан Республикасы Чемпионаты уздырылды. Мөслим районыннан Шәйхуллина Алия, Ситдыйкова Динара, Шәйхуллин Нурислам, Зәлилов Айнур катнашты. Чемпионат нәтиҗәләре буенча безнең бадминтончылар команда беренчелегендә 1 нче урынны алдылар. Спортчыларыбызны котлыйбыз, алга таба уңышлар телибез!