Яз килә, игътибарлы булыгыз!

Бу ялларда язның беренче көннәрен каршы алабыз. Март башында һава торышы җылынуы көтелә, ә бу түбәләрдән кар һәм боз төшү куркынычын арттыра.

Мөслимлеләргә киңәшләр:

- Биналар яныннан үткәндә сак булыгыз, түбә кырыйларына якын йөрмәскә тырышыгыз.

- Балаларга бу куркыныч турында аңлатыгыз.

- Автомобильләрегезне бина түбәләре астында калдырмагыз.

Оешма һәм предприятие җитәкчеләренә:

Куркынычсызлыкны тәэмин итү максатыннан, бина түбәләрен кардан һәм боздан чистартуны оештыруыгызны яисә кешеләр йөри торган урыннарда иминлек тасмалары куюыгызны сорыйбыз.

Үзегезне һәм якыннарыгызны саклагыз! Ялларыгыз имин үтсен!