Авыл районнары арасында ТР Волейбол федерациясе президенты кубогына волейбол буенча зона ярышлары

«Илтранс-Мөслим» волейбол командасы чираттагы мәртәбә Татарстанның иң көчле командаларының берсе булуын раслады. Алдынгы уеннар 23 майдан 24 майга кадәр “Яшьлек” спорт залында Татарстан Республикасы авыл районнарыннан 6 команда катнашында узды. Волейбол буенча «Закамье» зонасы ярышларында Татарстан Республикасы Волейбол федерациясе президенты кубогына авыл районнары арасында безнең команда 1 урынны яулады! Әлеге җиңү бу елның көзендә узачак финал уеннарында катнашу мөмкинлеге бирә. Мөслим районында зона ярышларын уздырган өчен безнең команда волейбол инвентаре сатып алу өчен 50000 сумлык сертификат белән бүләкләнде.