"Алтын балык" балык тотучылар фестивале

25 гыйнвар көнне, "Кояшлы Ык " ял итү зонасында "Алтын балык" фестивале узды. Фестиваль җирлегебездә сигезенче мәртәбә уздырыла. Район башлыгы, фестивальдә катнашучыларны сәламләп, җылы теләкләрен җиткерде. «Яшьлек» спорткомплексы әлеге ярышны иганәчеләр ярдәмендә уздыра. Балык тотучылар арасында тәҗрибәле балыкчылар да, өйрәнчекләр дә бар иде. Ярышта катнашучылар саны елдан-ел арта бара. Фестивальгә гаилә белән килүче райондашларыбыз да шактый иде. Билгеләнгән вакыт эчендә үз көчләрен сынадылар әлеге балыкчылар. Ярыш азагында нәтиҗәләр ясалды. Җиңүчеләр иганәчеләр әзерләгән бүләкләр белән бүләкләнде. Теләгән һәр кеше кайнар чәй һәм учакта пешкән уха белән сыйлана алды