Быелгы уңышның беренче икмәге!

2024 елның 5 сентябре, пәнҗешәмбе

"Исламов" крестьян-фермер хуҗалыгы район аграрийлары арасында беренче булып урып-җыю эшләрен төгәлләде.

Шул уңайдан хуҗалык җитәкчесе Илгиз Исламов район башлыгы Альберт Хуҗинга быелгы уңыштан пешерелгән икмәкне тапшырды.

Район башлыгы бу елгы урып-җыю сезонының җиңелләрдән булмавына карамастан җаваплы эшне уңышлы итеп башкарып чыккан коллективка рәхмәтләрен җиткереп, хуҗалык җитәкчесенә "Күмәч-2024" номинациясендә җиңүче дипломы тапшырды.