Мөслим яшьләре ТР Яшьләр эшләре министрлыгы үткәргән "Синең чират" форумында катнашты

2024 елның 27 августы, сишәмбе

Районыбызның "Игелек уят" отряды волонтерлары, Алдынгылар хәрәкәте активистлары, эшләүче яшьләре форумның Түбән Кама шәһәрендә үткән зона турында катнашты. Чара кунакларын ТР Яшьләр эшләре министры Ринат Садыйков сәламләде.

Катнашучылар республикабызның районнары турында кыска фильмнар булдыру өчен сценарийлар әзерләде, үзара тәҗрибә уртаклашты. Яшьләр медиа өлкәсендә үзеңне таныту һәм энергия туплау юллары турында чыгышлар тыңлый алды.

Биредә киемнәрне кастомизацияләү, рәсем ясау кебек осталык дәресләре дә бар иде. Кунаклар шәм ясау ысулларына өйрәнде, күргәзмәләр карады, "ArBus” мультимедиа мәйданчыгы белән танышты.