Сабантуйга бүләк җыю

2024 елның 4 июне, сишәмбе

Сабантуйга сөлге, бүләкләр җыю - борынгыдан килгән күркәм йолабыз халкыбызның юмартлыгын, кунакчыллыгын да күрсәткән, Сабантуйның бөтен халык бәйрәме булуын ишарәләгән.

Әлеге күркәм йолабызны югалтмыйча саклап, киләсе буыннарга тапшыру максаты белән бүгенгәчә ел саен сөлге җыю оештырыла. Менә бу елны да 5 июнь көнне 17:00 сәгатьтә райондашларыбыз берләшеп, бәйрәмгә бүләкләр җыярга чыгалар.

Авылыбыз халкы аларны ачык йөз, күтәренке күңел һәм әлбәттә Сабантуй өчен әзерләп куелган күчтәнәчләр белән каршы алыр.