Мөслимдә «ИкРок» Бөтенроссия балалар һәм яшьләр рок-фестивале узачак

2024 елның 24 мае, җомга

Шимбә көнне, 1 июньдә, Мөслим авылында Татарстанның төрле районнарыннан һәм шәһәрләреннән - Казан, Яр Чаллы, Зәй, Лениногорск, Азнакай, Мөслим, Нурлат, Менделеевск, Мамадыш, Питрәч районнары, Кама Аланы һәм Россия регионнарыннан - Мәскәү, Тумазы районы (Башкортостан Республикасы) һәм башкалар альтернатив музыка сөючеләр җыелачак. Биредә «Киләчәк» паркында икенче ел рәттән «ИкРок» Бөтенроссия балалар һәм яшьләр рок-фестивале узачак. Фестивальдә 37 яшьләр музыкаль төркеме - 200дән артык кеше катнаша.