Мөслим - чемпион!

2023 елның 5 декабре, сишәмбе

Мөслим беренче урында!
Муниципаль хезмәткәрләр спартакиадасында мөслимлеләр авыл районнары арасында беренче урынга лаек булды! Командабыз, спартакидада икенче генә ел катнашуга карамастан, бик лаеклы нәтиҗәгә иреште.

Бу, әлбәттә, спортчыларның спорт залында даими күнекмәләр ясап әзерләнүе, бердәмлеге һәм үзләренә куйган бурычка җаваплы караулары нәтиҗәсе.

Ел дәвамында барган бәйгедә хезмәткәрләребез чаңгы, волейбол, теннис, футбол, бильярд, йөзү, шахмат, җиңел атлетика, бадминтон буенча көчләрен сынадыла.

Барлык спортчыларыбызга, аларның гаиләләренә, тренерларыбызга һәм бу җиңүгә үз өлешен керткән һәр кешегә ихлас рәхмәт сүзләрен җиткерәбез!