Мөслим районында эшмәкәрләр белән эшлекле очрашу узды.
«Мизгел» яшьләр үзәгендә район эшкуарлары, ТР Эшкуарлыкка ярдәм фонды, ТР кече һәм урта бизнес предприятиеләре ассоциациясе вәкилләре, салым органнары хезмәткәрләре, шулай ук банк вәкилләре белән чираттагы эшлекле кооперация очрашуы узды.
Чарада эшкуарларга ярдәм итүнең актуаль чаралары һәм 2023-2024 елларга эшкуарлык эшчәнлеген гамәлгә ашыру барышында килеп туган проблемалар һәм районда эшкуарлыкны үстерү буенча бурычлар турында фикер алыштылар.
Эшмәкәрләргә кече һәм урта эшмәкәрлек субъектларына федераль һәм региональ ярдәм чаралары, чит ил базарына чыгу мөмкинлекләре, маркетплейсларда һәм биржа мәйданчыкларында эшләү юлы белән үз бизнесларын киңәйтү турында җентекләп сөйләделәр. Очрашу вакытында шулай ук бизнес вәкилләре салым өлкәсендәге яңалыклар һәм Россия Социаль фонды турында белделәр.
Чара ахырында кунаклар эшмәкәрләрнең сорауларына җавап бирделәр һәм нәтиҗәләр ясалды.