Мөслим балалар сәнгать мәктәбе хезмәткәрләре бөтенроссия физкультура-спорт комплексы нормативларын тапшырдылар

"Сәламәтлек бишьеллыгы" район программасы кысаларында Мөслим балалар сәнгать мәктәбе хезмәткәрләре бөтенроссия физкультура-спорт комплексы нормативларын тапшырдылар. Бүген ГТО комплексы ("Хезмәткә һәм саклануга әзер") массакүләм рәвештә хезмәт коллективлары тормышына керә. Бу - илебез халкын физик тәрбияләүнең, массакүләм спортны үстерүгә һәм милләтне сәламәтләндерүгә багышланган норматив нигезе. 27 сентябрь көнне коллектив гаризасы буенча бөтенроссия физкультура-спорт комплексы нормативларын безнең мәктәптән 20 хезмәткәр тапшырды. ГТО значогын алу өчен барлык нормативларны тиешле дәрәҗәдә тапшырырга кирәк иде. Ир-атлар һәм хатын-кызлар өчен норматив шактый аерылып тора һәм анда яшь үзенчәлекләре исәпкә алынган. Барлык хезмәттәшләребезне һәм Мөслим авылы халкын читтә калмаска һәм үзебезнең физик әзерлегебезне сынап карарга чакырабыз!